السلام عليكم
اليوم لاعت جبدي من الخاطر من الاسلوب يلي تتبعه عيادتين ف دولتنا
والله طفش من قلب
يعني بذمتكم لو الواحد مريض وحالته يرثى لها ومن الساعه 8 ونص واهؤ ينتظر لين 12 ونص هذي حاله ؟؟
شو هالاسلوب ؟؟
شو هالخدمه ؟؟؟
انا قلت ف خاطريه لو واحد مريض ومات بيلحقون اهله يكفنونه ويدفنونه ويصلون عليه والعياده للحين ما نادت اسمه
,
ما اعرف بضبط وين الغلط
من الخدمه
من الاطباء
من الممرضين
من المريضين ؟
يعني انا يلي اشوفه ف العيادات الخاصه اول ما تدخلين يطمنون وش فيكي بضبط اذ حاله صعبه يضطرون يعالجونج بسرعه
اما العيادات الحكوميه ملل طفش ضيق وقهر
والله تعبت نفسيا
ما اتمنى امرض واسير لهم
ي رب ادم الصحه والعافيه علينا
لو الموضوع وقف ع الزحمه بس
ردحذفبنطوفها مب مشكله
بس تعالي ع المعامله السيئه مرات
والتشخيص الخاطئ
والملفات الضايعه
والادويه الغلط
وغيره وغيره وغيره
اعتقد لازم يكون في متابعه ورقابه
بشكل مستمر من وزارة الصحه
هم صح بعد ما قصروا
بس لازم يشدون حيلهم بعد شوي :)
هلا بختيه الله يحيج ف هالمدونه البسيطه
ردحذفوالله صدقتي
الله يعينا بس